Биотехнология және химиялық технологиялар факультеті

Факультет деканы

Матибаева Айнур Ибраевна

техника ғылымдарының кандидаты, қауымдастырылған профессор

Құрметті талапкерлер!

Егер ғылыммен, заманауи технологиялармен және нақты өндірістік үдерістермен байланысты мамандық таңдауды ойласаңыз, Биотехнология және химиялық технологиялар факультеті сіздің мүмкіндіктер алаңыңыз.

Қазіргі таңда биотехнологиялар мен химиялық технологиялар тамақ өнеркәсібі, фармацевтика, экология, медицина және инновациялық өндірістердің негізін құрайды. Дәл осы салаларда өмір сапасына, тұрақты дамуға және экономиканың бәсекеге қабілеттілігіне тікелей әсер ететін заманауи өнімдер, материалдар мен технологиялық шешімдер жасалады.

Біз сіздерге кәсіби таңдау жасауға, қабілеттеріңізді ашуға және табысты мансапқа берік негіз қалауға көмектесеміз.

Сіздерді Биотехнология және химиялық технологиялар факультетінің студенттері қатарынан көруге қуаныштымыз!

Байланыс ақпараты
Алматы қ., Райымбек даңғылы, 348/4, 5-қабат
502 - факультет деканының кабинеті,
508 - факультет деканаты
WhatsApp: +7 705 482 58 76
E-mail: bct.deansoffice@atu.edu.kz
Instagram: @atu.biochemtech
TikTok: @atu.biochemtech

ФАКУЛЬТЕТ ТУРАЛЫ

Биотехнология және химиялық технологиялар факультеті — биотехнология, химия және технологиялық үдерістер саласында мамандарды кәсіби және ғылыми тұрғыдан даярлауды қамтамасыз ететін заманауи білім беру құрылымдық бөлімшесі.

Қазіргі таңда биотехнологиялар мен химиялық технологиялар қоғамның өмір сапасы мен тұрақты дамуына тікелей әсер ететін негізгі салалардың негізін құрайды. Факультет биотехнологиялық және химиялық өндіріс, зертханалық диагностика, экология және сабақтас салалар үшін білікті мамандарды даярлайды. Оқу үдерісі практикаға бағытталған және ғылыми білімнің нақты технологиялық шешімдерге қалай айналатынын терең түсінуге негізделген.

Факультеттегі білім беру үдерісін профессорлар, қауымдастырылған профессорлар (доценттер), ғылым докторлары мен ғылым кандидаттары, сондай-ақ тәжірибелі оқытушылар мен өндірістік сала мамандарынан құралған профессор-оқытушылар құрамы қамтамасыз етеді.

Оқытушылар студенттерді оқытудың барлық кезеңдерінде сүйемелдеп, білім беру бағдарламаларының сапалы іске асырылуын, іргелі және қолданбалы білімнің берілуін, сондай-ақ кәсіби құзыреттердің қалыптасуын қамтамасыз етеді.

Факультеттің профессор-оқытушылар құрамында Қазақстан Республикасы Ғылым және жоғары білім министрлігінің «ЖОО-ның үздік оқытушысы» мемлекеттік грантының иегерлері бар: Таусарова Б.Р., Курманалиев М.К., Лесова Ж.Т., Сулейменова М.Ш., Абжанова Ш.А., Набиева Ж.С., Шаяхметова Ы.Ш., Ахметова С.О., Матибаева А.И., Джетписбаева Б.Ш., Божбанов А.Ж., Абдигалиева Т.Б.

БІЛІМ БЕРУ БАҒДАРЛАМАЛАРЫ

Факультет биотехнология және химиялық технологиялар бағыттары бойынша бакалавриат, магистратура және докторантура деңгейлерінде білім беру бағдарламаларын жүзеге асырады. Бағдарламалар саланың заманауи талаптарын ескере отырып әзірленген және зертханалық әрі өндірістік жағдайларда кәсіби қызмет атқаруға, сондай-ақ ғылыми-зерттеу және академиялық мансапқа дайын мамандарды даярлауға бағытталған.